ЯНКА

Каля садку Янка ходзiць,
Думу тугую ён носiць.
Янка у дудачку iграе,
Красну дзеўку вызывае.

- Ой, дзяўчына мая мiла,
Выйдзь ў садок хоць на хвiлiну.
Выйдзi, выйдзi, як ўчора,
З табой лепей пагаворым.

Выйдзi, выйдзi, я чакаю,
Ў цябе лепей запытаю:
За што бiла цябе мацi,
Я хачу гэта узнацi.

- Не так бiла, як журыла, -
Яму дзеўка гаварыла, -
Каб цябе я не любiла,
Так мне мацi гаварыла.

- Ой, цi любiшь, дзяўчыненька,
Скажы праўду, даражэнька!
- Як любiла, любiць буду,
Навек цябе не забуду.




Такун Ф.И. Славянский базар. М.: Современная музыка, 2005.


  




Ваша поддержка ускорит проект и победу разума: